After doing my school related works I came up doing my own literary work...

hehe nainggit lang kila Rona Liza Manayan Querido at Mark Bryan Eñeja....

Lihim na Pagtingin

Jena Bicera

Nung una kang makita
Akala ko mundo’y magugunaw na
Ikaw na sobrang kinaiinisan
Ikaw din pala ang kasasadlakan

Ni minsan hindi ko naisip na ika’y mamahalin
Ngunit ito palang inis sa damdamin
Mauuwi sa masidhing pagtingin
Na sadyang kay hirap aminin

Iniisip ko sa tuwina
Kailan nga ba nagsimula
Ang puso na tumibok para sa’yo sinta?
Sadyang hindi kapani-paniwala

Asaran na nauuwi sa awayan
Awayan na nauuwi sa harutan
Harutan na nauuwi sa pikunan
Pikunan na nauwi sa pagtitinginan

O sinta kailan ko kaya maaamin
Itong aking lihim na pagtingin
Ng hindi mo ako aasarin
Sadyang kay hirap isipin

Mahirap ang mangarap
Ng tulad mong kay taas
Sana hindi na lang napasulyap
Nang puso ay hindi naghihirap

O mahal ko sana naman iyong mapansin
Na sa’yo ako’y may lihim na pagtingin
Hinihintay araw na iyong sambitin
Pagmamahal mo sa akin.